21 сакавіка ў Слуцкім раённым цэнтры народнай творчасці адбылося цудоўнае мерапрыемства – майстар-клас па выпяканні дражджавых птушачак-вяснянак. У гэтым дні спалучыліся традыцыі беларускай кухні і вясновыя забавы, што зрабіла яго незабыўным і вясёлым для ўдзельнікаў.
Святлана Казлоўская, майстар беларускай кухні, пазнаёміла вучняў другога класа Слуцкай гімназіі №1 з займальным светам выпечкі. Яна не толькі дэталёва расказала пра ўсе тонкасці прыгатавання дражджавога цеста, але і прадэманстравала, як з кавалачка цеста стварыць маленькі кулінарны цуд – птушачку-вяснянку.
Дзеці з энтузіязмам убіралі веды, а пакуль птушачкі набіраліся залатога колеру ў духоўцы, яны гулялі ў народныя гульні і адгадвалі загадкі пра птушак. Вясёлая і дружная атмасфера напаўняла ўсю залу.
На завершэнне мерапрыемства маленькія кулінары са сваімі «жаўранкамі» ў руках спявалі песню-вяснянку, урачыста ўзнімаючы выпечаныя птушачкі ўгору. Так яны прызывалі цяпло і ззяючую вясну.
© ДУК «Слуцкі раённы цэнтр народнай творчасці», 2025
Надзея САКУТА, кіраўнік калектыву
Если вы нашли ошибку, выделите ее и нажмите Shift + Enter или нажмите сюда, чтобы сообщить нам.